Roberto Firmino, leikmaður Liverpool, er tilbúinn að spila hvar sem er undir Jurgen Klopp.

Firmino er mjög fjölhæfur leikmaður en hann er reiðubúinn að sinna því hlutverki sem þarf að sinna.

,,Ég tel að ég hafi bætt mig verulega, líkamlega, andlega og þegar kemur að leikskipulagi,“ sagði Firmino.

,,Ég hef lært eitthvað nýtt í öllum flokkum. Ég vil ekki stoppa hérna. Ég vil halda áfram að bæta mig.“

,,Ég vil vinna fleiri titla með þessu félagi og þannig er það. Ég virði mitt hlutverk á vellinum.“

,,Ég mun spila þar sem liðið þarf að ég spili. Sem nía eða stundum sem tía og ég geri mitt besta.“