Antoine Griezmann viðurkennir að það sé ekki auðvelt að spila fyrir Barcelona en hann fór þangað í sumar.

Griezmann kom til Barcelona frá Atletico Madrid í sumar og hefur byrjað nokkuð erfiðlega á Nou Camp.

,,Barcelona er ekki auðveldasti staðurinn til að spila á,“ sagði Griezmann við Telefoot.

,,Þetta er nýtt félag, öðruvísi lið, nýtt leikskipulag og líka ný staða og hlutverk fyrir mig.“

,,Það er eins og það er og ég þarf að vinna í því. Ég er stoltur af þessari ákvörðun og hvar ég er í dag.“