Föstudagur 06.desember 2019
433Sport

Þjálfari Moldóva pirraður: Komu heim frá Frakklandi klukkan fimm í morgun – Kallar eftir meiri fagmennsku

Einar Þór Sigurðsson
Laugardaginn 16. nóvember 2019 13:59

Ekki missa af Helstu tíðindum dagsins í pósthólfið þitt

Lesa nánar

Einar Þór Sigurðsson skrifar frá Kísinev í Moldóvu:

Engin Firat, þjálfari Moldóvu, var þreyttur á fréttamannafundi Moldóva sem fram fór í Kísinev rétt í þessu. Firat var gagnrýninn á knattspyrnusamband Moldóvu og sagði að sá eini sem hefði trú á leikmönnum landsliðsins væri hann sjálfur. Firat segir að landslið Moldóvu hafi komið til landsins klukkan fimm í morgun.

„Við sjáum hvað gerist á morgun. Síðasti leikur er búinn, leikmennirnir lögðu mikið í Frakkaleikinn en við komum heim klukkan fimm í morgun. Leikmenn eru þreyttir og eins og þið sjáið kannski er ég líka þreyttur,“ sagði hann og bætti við að meiðsli væru í hópnum.

Engin virtist pirraður á því hvernig komið er fram við landsliðið. Hann fór ekki ofan í saumana á því hvers vegna liðið kom svona seint heim frá Frakklandi, en til samanburðar var íslenska liðið komið til Moldóvu um miðjan dag í gær. Hann sagði að Moldóvar þyrftu að bæta umgjörðina í kringum liðið og kallaði hann eftir meiri fagmennsku.

„Það verður að vera meiri fagmennska. Ef þið viljið fá eitthvað frá leikmönnum verðið þið að gefa þeim eitthvað í staðinn. Ég treysti á þessa stráka. Ég treysti þessum strákum 100%. Við þurfum að breyta mörgu ef við ætlum okkur að ná árangri.“

Engin segir að ekki hafi reynst unnt að hafa æfingu í dag sökum þess hve liðið kom seint heim frá Frakklandi. Það setti leikinn gegn Íslandi að vissu leyti í uppnám því ekki er hægt að æfa uppstillingu og fleira í þeim dúr. Hann sagði þó að leikmenn væru klárir í leikinn og markmiðið væri að gera moldóvsku þjóðina stolta.

Landslið Moldóvu tapaði naumlega gegn heimsmeisturum Frakka á fimmtudagskvöld, 2-1, en sigurmarkið kom úr vítaspyrnu rúmum tíu mínútum fyrir leikslok. Engin sagði að mikil orka hefði farið í leikinn en benti á að Ísland hafi einnig spilað erfiðan leik sama kvöld, gegn Tyrkjum í Istanbúl. Sagði hann að mögulea væri þreyta í íslenska hópnum en tók þó fram að hann væri mjög hrifinn af íslenska liðið. Það væri sterkt og vel skipulagt og frábært í föstum leikatriðum. „En leikurinn á morgun gæti ráðist á litlum atriðum,“ sagði hann.

Engin talaði vel um íslenskan fótbolta og sagði raunar að Moldóvar ættu að taka sér Ísland til fyrirmyndar. „Ég virði íslenskan fótbolta mjög. Við eigum að taka þá til fyrirmyndar. Það eru kannski 20 til 30 ár síðan þeir byrjuðu markvisst að fjárfesta í innviðum fyrir fótboltann. Ef við tölum um leik þeirra gegn Tyrkjum þá töpuðu þeir vissulega möguleikanum á að komast beint á EM. En þeir munu gefa allt í þetta eins og okkar menn.“

Engin er greinilega staðráðinn í að lyfta knattspyrnunni í Moldóvu upp á hærra plan, en þessi 49 ára þjálfari tók við liðinu í lok október. Hann hefur komið víða við á ferli sínum og verið meðal annars aðstoðarstjóri hjá íranska landsliðinu auk þess sem hann var aðstoðarstjóri Fenerbache.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 13 klukkutímum

Sjáðu furðulega aðferð sem Van Dijk notaði til að trufla liðsfélaga Gylfa

Sjáðu furðulega aðferð sem Van Dijk notaði til að trufla liðsfélaga Gylfa
433Sport
Fyrir 14 klukkutímum

Fleiri æfingar og faglegri umgjörð ástæða þess að KSÍ fór með allar æfingar til FH

Fleiri æfingar og faglegri umgjörð ástæða þess að KSÍ fór með allar æfingar til FH
433Sport
Fyrir 17 klukkutímum

Mourinho segir United frábært lið þegar það getur pakkað í vörn

Mourinho segir United frábært lið þegar það getur pakkað í vörn
433Sport
Fyrir 17 klukkutímum

Klopp staðfestir hópinn sem hann fer með til Katar

Klopp staðfestir hópinn sem hann fer með til Katar
433Sport
Í gær

Sjáðu Mourinho eftir leikinn: Þakkaði öllum fyrir

Sjáðu Mourinho eftir leikinn: Þakkaði öllum fyrir
433Sport
Í gær

Liverpool skoraði fimm á Anfield – Everton í fallsæti

Liverpool skoraði fimm á Anfield – Everton í fallsæti
433Sport
Í gær

Sjáðu stórbrotið mark Alli gegn United – Fyrsta snertingin í heimsklassa

Sjáðu stórbrotið mark Alli gegn United – Fyrsta snertingin í heimsklassa
433Sport
Í gær

Sjáðu móttökurnar sem Terry fékk á Stamford Bridge

Sjáðu móttökurnar sem Terry fékk á Stamford Bridge