Riyad Mahrez, leikmaður Manchester City, er enn pirraður út í sitt fyrrum félag Leicester City.
Mahrez vann titilinn með Leicester árið 2016 en hann vildi komast burt strax eftir þann magnaða árangur.
Arsenal reyndi að fá Mahrez árið 2016 en hann var svo seldur til City tveimur árum seinna.
,,Ef ég hefði farið í topplið strax eftir titilinn þá hefði sagan ekki verið sú sama,“ sagði Mahrez.
,,Ég missti af tveimur árum í hæsta gæðaflokki, ég tapaði tveimur árum! Í stað þess að fara til City 27 ára þá hefði ég getað verið þar 24 eða 25 ára.“
,,Leicester stöðvaði mig, þeir sögðu mér að ég væri ekki að fara fet. Umboðsmaður minn hafði rætt við Arsene Wenger sem vildi fá mig.“
,,Þetta var nánast klárt með Arsenal árið 2016. Ég var svo pirraður. Það var ekki auðvelt að fara frá því að vera besti leikmaður úrvalsdeildarinnar í fallbaráttu.“
