Tammy Abraham, leikmaður Chelsea, hefur nefnt erfiðasta andstæðing sem hann hefur mætt.
Abraham nefnir Virgil van Dijk, leikmann Liverpool, sem er af mörgum talinn besti varnarmaður Evrópu í dag.
,,Hann er skrímsli. Hann er bara góður í því sem hann gerir,“ sagði Abraham sem hefur spilað við Van Dijk tvisvar á tímabilinu.
,,Hann er með reynslu. Ég reyni að hugsa um einhver brögð i höfðinu en hvernig hann skilur leikinn er magnað.“
,,Þetta snýst um smáatriðin. Hreyfingarnar. Sumir varnarmenn fylgjast ekki með þér heldur bara boltanum.“
,,Hann gerir bæði. Hann horfir á mig og boltann, hann veit alltaf hvar ég er og fylgir mér.“