Haraldur Björnsson, markvörður Stjörnunnar, er búinn að skrifa undir nýjan samning við félagið samkvæmt heimildum 433.is
Haraldur hefur varið mark Stjörnunnar undanfarin tvö ár en hann er þó uppalinn hjá Val.
Markmaðurinn spilaði 22 leiki fyrir Stjörnuna í Pepsi Max-deildinni í sumar og stóð sig með prýði.
Þá hefur varnarmaðurinn Brynjar Gauti Guðjónsson einnig gert nýjan samning við félagið.
Brynjar er fæddur árið 1992 en hann lék 19 leiki fyrir Stjörnuna í sumar.
