Emil Hallfreðsson gæti farið til stórliðs Roma á Ítalíu ef marka má frétt sem Íslendingavaktin birtir. Fyrst var fjallað um málið í gær.
Þar er vitnað í ítalska, sem er virtur miðill á Ítalíu. Blaðið segir að hann sé besti kosturinn fyrir Roma. Roma vantar miðjumenn en þeir Bryan Cristante, Lorenzo Pellegrini, Amadou Diawara og Henrikh Mkhitaryan eru allir frá vegna meiðsla.
Glugginn á Ítalíu er lokaður eins og á öðrum stöðum, félagið má því aðeins semja við leikmenn án félags og sem eru frá Evrópu. Emil hefur verið án félags síðan í sumar þegar samningur hans við Udinese rann út, hann er 35 ára gamall og leitar að nýju félagi.
Calciomercato segir nú að Emil sé efstur á óskalista Roma en félagið hafði skoðað aðra kosti. Sagt er að Alessandro Beltrami, umboðsmaður hans sé nú á leið til R´mar, til að ná í samning fyrir skjólstæðing sinn.