Cristiano Ronaldo, leikmaður Juventus, er alls ekki að íhuga það að leggja skóna á hilluna.
Ronaldo er 34 ára gamall í dag og er því klárlega kominn á seinni ár ferilsins þrátt fyrir að hann raði enn inn mörkum.
Ronaldo hefur lengi verið einn allra besti leikmaður heims og hann ætlar að spila þar til líkaminn segir stopp.
,,Aldur er bara tala. Það þýðir ekki að þú sért að enda ferilinn 34, 35 eða 36 ára gamall,“ sagði Ronaldo.
,,Ég get sýnt það með minni frammistöðu og hvernig ég spila. Mér líður ennþá vel og hugsa öðruvísi um leikinn.“