Það stefnir allt í það að Ísland muni í mars spila leiki um að komast á EM næsta sumar, ljóst er að annar leikurinn færi hið minnsta fram á Laugardalsvelli.
Knattspyrnuleikur á grasi utandyra í mars, á Íslandi. Það er eitthvað margir velta því fyrir sér hvernig mun virka, og hvort það gangi upp yfir höfuð. Ísland þarf að vinna Tyrkland og Moldóvu í nóvember og Andorra þarf að vinna Tyrkland, svo þetta verði ekki að veruleika.
Völlurinn er iðulega í fínu standi frá maí og fram í október, en leikur í mars hefur ekki verið spilaður áður á vellinum.
Blika.is fjallar um málið og fer ítarlega yfir það. Þar segir meðal annars. ,, Ef ekkert verður gert á Laugardalsvelli verður grasið í dvala og góðar líkur á því að yfir því muni liggja þykkur klaki í mars. Því er alveg ljóst að vernda verður grasið á einhvern hátt ef ætlunin er að spila þar,“ segir á Blika.is.
,,Í boði eru tvær leiðir. Annars vegar að leyfa grasinu að leggjast í dvala, en vekja það upp af dvalanum seinnipart febrúar og í fyrrihluta mars. Hins vegar væri hægt að tryggja það að jörðin frjósi ekki þannig að grasið haldist grænt allan veturinn.“ Líklegt er að ansi erfitt gæti orðið að vekja grasið af dvalanum um hávetur. Fyrst þyrfti að ná frosti úr jörðu og svo þyrfti að halda hita á grasinu það væri hægt með því að blása heitu lofti undir dúk sem lagður er á grasið. Dúkur var notaður til að halda grasinu grænu fyrir leik sem spilaður var í nóvember 2014. En dúkurinn er líklega ekki nóg. Grasið þarf einnig á sól að halda til að vakna almennilega upp af dvalanum. Þar sem lítil orka er í sólinni yfir vetrartímann þyrfti þá að nota lampa til að búa til gervisólskin“
Ef halda á grasinu grænu í allan vetur, yrði það gert með dúk ef marka má frétt Blika.is sem er í heild hérna.