Goðsögnin Hermann Hreiðarsson er komin í nýtt starf en þetta var staðfest nú í kvöld.
Hermann er nýr aðstoðarþjálfari Southend United og mun starfa þar með fyrrum liðsfélaga sínum Sol Campbell.
Campbell var ráðinn aðalþjálfari Southend í kvöld en liðið leikur í þriðju efstu deild Englands.
Það vantar ekki reynsluna í þetta þjálfarateymi en Andy Cole, fyrrum landsliðsmaður Englands, er einnig hluti af því.
Þeir þrír gerðu þriggja ára samning við Southend sem er í bullandi fallbaráttu.
Hermann og Cambpell störfuðu saman hjá Macclesfield á síðustu leiktíð en fóru þaðan vegna fjárhagsvandræða.
