DC United er úr leik í MLS deildinni í Bandaríkjunum eftir að hafa verið niðurlægt gegn Toronto í úrslitakeppninni. Þar með er ferill Wayne Rooney í Bandaríkjunum á enda, hann heldur heim til Englands.

Rooney var í eitt og hálft ár hjá DC United en eiginkona hans gat ekki hugsað sér að búa þar lengur, þau fara því heim til Englands og Rooney mun leika með Derby.

Rooney og félagar töpuðu 5-1 í nótt og eru þvi úr leik, algjört högg í síðasta leik hans i MLS deildinni. Rooney getur gengið stoltur frá borði í MLS deildinni. Hann kom að 38 mörkum í 49 leikjum.

Rooney skoraði 23 mörk og lagði upp 15 mörk en hann gengur í raðir Derby í janúar. Forráðamenn Derby vilja Rooney í formi frá 1. janúar þegar hann verður leikfær.

Félagið óttast aðeins að Rooney bæti á sig en hann er nú farinn í frí með fjölskyldu sinni, félagið hefur því sent æfingaáætlun svo að bumban komi ekki.

Enski boltinn á 433 er í boði