Lionel Messi, leikmaður Barcelona, hefur skotið létt á kollega sinn Cristiano Ronaldo.

Ronaldo og Messi hafa lengi verið taldir tveir bestu leikmenn heims en þeir voru lengi stærstu stjörnur spænsku deildarinnar.

Ronaldo hefur þó fært sig yfir til Ítalíu og spilar með Juventus þessa stundina.

Portúgalinn elskar að minna fólk á hvað hann hefur afrekað á ferlinum en Messi tekur ekki þátt í svoleiðis hegðun.

,,Ég vil frekar að aðrir tali um mig. Ég veit hvað ég er, hvað ég hef afrekað og hvað ég get gert,“ sagði Messi.

,,Ég held því fyrir sjálfan mig. Fólk má segja það sem það vill. Ég er ekki hrifinn af því tala um sjálfan mig.“