Dani Alves einn besti bakvörður allra tíma í fótboltanum segir að það sé ekki skemmtilegt að búa í París, borgin sé full af rasistum og að það sé þreytandi að búa þar.
Alves lék með PSG um nokkurt skeið en hann segir borgina vera þannig að þú verðir fljótt þreyttur á að búa þar, áreitið sé slíkt.
,,Paris er borg sem er stressandi, ég kann ekki vel við hana. Ef þú ferð til París í viku, þá er það ævintýri lífs þíns. Þú verður þreyttur á að búa þar,“ sagði Alves.
Hann segir borgina fulla af rasisma, hann hafi séð vini sína lenda illa í því. ,,Þeir eru helvítis rasistar þarna, þeir gerðu ekkert við mig enda hefði ég sagt þeim að grjóthalda kjafti. Ég sá þetta reglulega varðandi vini mína.“
Alves er 36 ára gamall en hann leikur í dag með Sao Paulo í heimalandinu, Brasilíu.