Guðlaugur Victor Pálsson lék allan leikinn með Íslandi í kvöld sem vann 2-0 sigur á Andorra.
Það var þó ekkert fagnað eftir leik þar sem Frakkar gerðu 1-1 jafntefli við Tyrki á sama tíma.
,,Frammistaðan var overall solid myndi ég segja. Ég var allt í lagi ánægður með Frakka-leikinn en eins og ég sagði þá voru nokkrir hlutir sem máttu fara betur,“ sagði Guðlaugur.
,,Í dag var allt annar leikur þar sem við vorum meira með boltann og sækja meira, mér fannst við koma ágætlega úr því.“
,,Það var ekki fagnað neitt eftir leik. Við þurfum bara einbeita okkur að okkur og treysta á að Andorra stríði þeim í síðasta leik.“
