Ef marka má hlaðvarpsþáttinn Dr. Football er Birkir Bjarnason að ganga í raðir Al-Arabi í Katar.

Kristján Óli Sigurðsson, fullyrti þetta í hlaðvarpsþætti sem Hjörvar Hafliðason stýrir.

Sagt var að Birkir ætti að fylla skarð Arons Einars Gunnarssonar, hjá Al-Arabi.

Aron meiddist illa á ökkla í síðustu viku og verður frá í einhverja mánuði, Heimir Hallgrímsson þarf því mann í hans skarð.

Birkir er án félags en hann rifti samningi við Aston Villa í ágúst, síðan þá hefur hann leitað að nýju félagi.

Birkir verður með íslenska landsliðinu gegn Andorra í kvöld en hann hefur verið orðaður við Derby og Stoke.