Það er óhætt að segja að Brassinn Fred hafi ekki staðist væntingar á Old Trafford í Manchester.
Fred kostaði Manchester United 52 milljónir punda í fyrra eftir dvöl hjá Shakhtar Donetsk.
Það var Jose Mourinho sem keypti Fred til félagsins en hann var svo rekinn nokkrum mánuðum seinna.
The Athletic greinir nú frá því að Mourinho hafi ekki viljað fá Fred til félagsins til að byrja með.
Hann neyddist hins vegar til að taka við Fred þar sem hann óttaðist að fá ekki annan miðjumann áður en glugginn lokaði.
Fred er 26 ára gamall en hann hefur skilað litlu hjá félaginu og gæti verið á förum bráðlega.