Það er trú Manchester United að Paul Pogba verði klár í næsta deildarleik liðsins gegn Liverpool.
Frá þessu greina enskir miðlar en Pogba hefur aðeins spilað tvo af síðustu sjö leikjum United.
Á sínum degi er Pogba magnaður miðjumaður en það vantar aðeins upp á stöðugleika leikmannsins.
Liverpool mætir United í næstu umferð ensku úrvalsdeildarinnar í leik sem skiptir miklu máli fyrir bæði lið.
Pogba er að glíma við meiðsli í tá en ætti að ná næsta leik samkvæmt nýjustu fregnum.