Lars Lagerback og félagar í norska landsliðinu náðu í frábær úrslit á heimavelli í kvöld.
Noregur mætti Spánverjum í sjöundu umferð riðlakeppninnar en Spánn var með fullt hús stiga fyrir leikinn.
Gestirnir frá Spáni komust yfir snemma í seinni hálfleik og leit lengi út fyrir að mark Saúl myndi duga.
Á 94. mínútu fengu Norðmenn þó vítaspyrnu og úr henni skoraði Josh King til að tryggja Noregi stig.
Noregur er með 10 stig í 4. sæti riðilsins, heilum níu stigum á eftir toppliði Spánar. Það eru þó aðeins fjögur stig í Svíana sem eru í öðru sæti.
