Jean Michel Aulas, forseti Lyon segir að Jose Mourinho hafi ekki viljað ræða við félagið, hann kveðst hafa valið sitt næsta félag.
Tæpt ár er síðan að Jose Mourinho var rekinn frá Manchester United, hann er sagður vilja starfa áfram á Englandi.
Aulas leitar að nýjum stjóra eftir að Sylvinho var rekinn úr starfi, Mourinho er orðaður við Tottenham.
,,Við áttum skemmtileg samskipti í gegnum smáskilaboð, það var gaman fyrir alla,“ sagði Aulas.
,,Hann vildi ekki mæta og funda með okkur, hann hefur valið sitt næsta félag.“