Niklas Sule, varnarmaður Bayern Munchen, var nálægt því að semja við enskt félag árið 2017.
Sule var þá á mála hjá Hoffenheim en sumarið 2017 var hann keyptur til Bayern fyrir 20 milljónir evra.
Síðan þá hefur Sule leikið 64 leiki fyrir Bayern og er einnig hluti af þýska landsliðinu.
,,Það var hugmynd að fara í ensku úrvalsdeildina. Það er ein af þeim deildum sem ég vil spila í,“ sagði Sule.
,,Á þessum tíma taldi ég þó að skrefið til Munchen væri best og eins og þið sjáið er ég ánægður þar.“
Chelsea var talið hafa áhuga á Sule sem er 24 ára gamall í dag.
