Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu hefur nú opnað á nýjan leik og eru fjölmörg félög að horfa í kringum sig.
Hér má sjá pakka dagsins.
———
Manchester United mun leyfa Marouane Fellaini að fara fyrir 15 milljónir punda. AC Milan, Porto og Guangzhou Evergrande hafa áhuga. (Mirror)
Chelsea vonast til að fá Gonzalo Higuain frá Juventus í þessari viku. (Telegraph)
Kiko Casilla er að fara frá Real Madrid til Leeds. (AS)
Christian Eriksen mun líklega ekki gera nýjan samning við Tottenham og vill fara til Real Madrid. (AS)
Arsenal vill kaupa Yannick Carasco en þarf að selja Mesut Özil til að geta keypt hann frá Dalian Yifang. (Fox)
Inter gæti haft áhuga á að fá Özil á láni en þá þarf Arsenal að borga hluta launa hans. (Mirror)
Atletico Madrid vill bara fá Alvaro Morata á láni frá Chelsea, hann er efins. (Mail)
Leicester vill fá Brendan Rodgers til að taka við af Claude Puel. (Sun)
Arsenal vill fá James Rodriguez frá Real Madrid og gæti þurft að borga 3 milljónir punda til að fá hann. Hann er í láni hjá Bayern. (Mail)
West Ham hefur hafnað 8,9 milljóna punda tilboði Fiorentina í Pedro Obiang. (Sky)
Barcelona vill styrkja framlínu sína Christian Stuani hjá Girona, Fernando Llorente hjá Tottenham og Olivier Giroud og Alvaro Morata hjá Chelsea koma til greina. (Marca)
Chelsea mun bjóða Petr Cech þjálfarastöðu hjá félaginu. (Mail)
Daniel Sturridge fær haug af tilboðum frá MLS þegar samningur hans við Liverpool er á enda í sumar. (Mail)
Chelsea hefur hækkað tilboð sitt í 36 milljónir punda til að fá Leandro Parades frá Zenit. (Star)
Manchester City hefur ekki áhuga á Isco leikmanni Real Madrid. (ESPN)
