Jurgen Klopp, stjóri Liverpool, útilokar það ekki að hætta að þjálfa þegar samningi hans lýkur.
Klopp er samningsbundinn Liverpool til ársins 2022 en hann hefur náð frábærum árangri með liðið.
Það er þó ekki víst að Klopp haldi áfram eftir að samningnum lýkur og gæti einbeitt sér að einhverju öðru.
,,Ég vona að ég geti haldið áfram á sama striki en eftir tvö eða þrjú ár þá veit ég ekki hvað mun gerast,“ sagði Klopp.
,,Kannski mun ég hætta! Það þýðir ekki að það muni gerast en ef það gerist þá ætti það ekki að koma á óvart.“