Adil Rami, leikmaður Marseille, vonaðist eftir því að geta endað knattspyrnuferilinn í Bandaríkjunum.

Rami er 33 ára gamall varnarmaður en hann hefur undanfarin ár leikið með Marseille í efstu deild Frakklands.

Hann hefur hins vegar ekki mætt á æfingar síðustu vikur eftir að samband hans og Pamela Anderson fór í vaskinn.

Pamela talar ekki vel um Rami og kallar hann bæði skrímsli og svindlara. Þau eru því ekki saman í dag.

Rami vonaðist eftir því að komast til Los Angeles í sumar og vildi skrifa undir hjá liði í MLS-deildinni. Það var hans draumur að enda ferilinn í Bandaríkjunum.

Sá dramur er hins vegar úti samvkæmt L’Equipe sem greinir frá því að Pamela hafi rætt við eigendur félagsins sem Rami hafði áhuga á að semja við.

Franski miðillinn segir að Pamela hafi náð að sannfæra félagið um að hætta við að fá Rami en þau voru í sambandi í yfir tvö ár.