Skúli Jón Friðgeirsson sneri aftur á knattspyrnuvöllinn í dag er lið KR og FH mættust í Pepsi Max-deild karla.

Skúli hafði ekkert spilað á leiktíðinni en hann hlaut alvarleg höfuðmeiðsli áður en deildin fór af stað.

Skúli kom við sögu í 2-1 sigri KR í kvöld og var það mikill léttir fyrir hann persónulega.

,,Mér líður ógeðslega vel. Þetta er mjög mikill léttir, ég átti erfitt með mig eftir leik. Ég hélt á tímabili að þetta væri bara búið,“ sagði Skúli.

,,Þetta er ofboðslega sætt fyrir mig persónulega og það er frábært að koma inn í liðið á þessum tímapunkti þegar gengur vel.“

,,Það er erfitt þegar þetta er tekið af okkur án þess að við höfum eitthvað við því að segja. Á tímabili var þetta mjög erfitt andlega svo það er mjög ljúft að vera kominn aftur á völlinn.“

,,Það er mjög gaman að vera í KR í dag. Það gerir það auðveldara fyrir að koma inn í þetta núna þegar allir eru að spila vel og það er engin pressa á að troða mér inn í liðið og svoleiðis. Ég er kannski ekki í besta forminu eftir tveggja mánaða pásu en ég get unnið mig inn í þetta og vonandi hjálpað til.“

Pepsi Max deildin á 433 er í boði