Rúnar Kristinsson, þjálfari KR, var ánægður með sína menn í kvöld eftir 3-2 sigur á Íslandsmeisturum Vals.
KR lenti 2-0 undir á heimavelli en svaraði því frábærlega og fagnaði að lokum 3-2 sigri.
,,Markið sem við skorum breytir þessu. Við ógnuðum í fyrri hálfleik með hornspyrnum og skotum utan að velli, það vantaði kannski meiri trú á að það gæti farið í markið og Valsmenn voru góðir,“ sagði Rúnar.
,,Um leið og við minnkum muninn í 2-1 þá fengu menn þessa trú og þá losnaði þessi skjálfti sem mér fannst vera í liðinu allan fyrri hálfleikinn. Við spiluðum eins og ég vil að við spilum.“
,,Við áttum hálftíma eftir af leiknum þegar við minnkum muninn og eftir það vorum við góðir. Ég er gríðarlega ánægður með karakterinn og viljann sem liðið sýnir og krafturinn í liðinu var frábær.“
Nánar er rætt við Rúnar hér fyrir neðan.
