Louis van Gaal, fyrrum stjóri Manchester United er ekki hrifinn af þeim fótbolta sem Ole Gunnar Solskjær lætur félagið spila.

Solskjær tók við United í desember eftir að Jose Mourinho var rekinn. Van Gaal er ennþá ósáttur eftir að hafa verið rekinn úr starfi árið 2016.

,,Mourinho mætti og lagði bara rútunni og sótti svo hratt, núna er Solskjær mættur og leggur bara rútunni og notar skyndisóknir,“ sagði Van Gaal.

,,Munurinn á Mourinho og Solskjær er að Solskjær er að vinna leiki. Solskjær hefur líka breytt stöðunni á Paul Pogba.“

,,Hvernig United spilar núna er ekki eins og Ferguson gerði hlutina, þetta er bara varnarleikur. Ef fólk telur þetta skemmtilegra en leiðinlega sóknarleikinn minn, þá er það í lagi. Það er samt ekki sannleikurinn í mínum bókum.“