Erik Hamren, landsliðsþjálfari karlalandsliðsins, ræddi við Rúv í kvöld eftir 4-0 tap gegn Frakklandi í undankeppni EM.
Strákarnir náðu sér ekki á strik í leiknum og voru Frakkar með öll völd á vellinum í öruggum sigri.
Hamren hrósaði aðallega andstæðingnum fyrir þeirra frammistöðu í kvöld en veit að ýmislegt hefði mátt gera betur.
,,Í fyrsta lagi þá vorum við að spila gegn mjög góðu liði og ef þú horfir á tölfræðina þá voru þeir mikið með boltann og fimm skot á mark og fjögur mörk,“ sagði Hamren við Rúv.
,,Við vorum ekki nógu ákafir fyrstu 20-25 mínúturnar, sérstaklega því við töpuðum boltanum of auðveldlega.“
,,Við byrjuðum seinni hálfleik vel en síðustu 15 mínúturnar var ég ekki ánægður með. Við gerðum vel í millitíðinni.“
,,Við gerðum það sem við gátum og við vissum að við gátum skapað færi í stöðunni 1-0 en eftir seinna markið var þetta alltaf að fara vera erfitt.“
,,Alltaf þegar þú tapar þá horfiru í eigin barm og gagnrýnir það sem fór úrsk,eiðis en ég verð að hrósa andstæðingnum því þeir eru mjög góðir. Ég þarf að sjá leikinn aftur.“
,,Það er alltaf súrt að tapa en við vorum að tapa gegn heimsmeisturunum sem er kannski ekki óvænt.“