Marcus Rashford reyndist hetja Manchester United í kvöld er liðið mætti Paris Saint-Germain í Meistaradeild Evrópu.
United tapaði fyrri leiknum 2-0 í Manchester og þurfti því að gera þrjú mörk til að sjá PSG úr leik í kvöld.
Það tókst að lokum en United hafði betur með þremur mörkum gegn einu þar sem dramatíkin var í aðalhlutverki.
Undir lok leiksins fékk United dæmda vítaspyrnu og steig Rashford á punktinn og skoraði örugglega.
Það mark reyndist nóg til að tryggja United áfram en liðið skoraði fleiri mörk á útivelli.
Þetta var fyrsta vítaspyrna sem Rashford tekur í treyju United og var spyrna hans gríðarlega góð.
Stáltaugar í þessum unga manni sem steig svo sannarlega upp þegar liðið þurfti á honum að halda.
1 – Marcus Rashford’s penalty was the first he has ever taken for Manchester United in a competitive match. Nerve. #PSGMUN pic.twitter.com/wqa8jllGvF
— OptaJoe (@OptaJoe) 6 March 2019
