Ashley Cole, fyrrum leikmaður Chelsea, er alls ekki vinsæll hjá stuðningsmönnum Arsenal en hann er uppalinn hjá félaginu.
Cole samdi við Chelsea á sínum tíma sem gerði marga Arsenal-menn reiða og hafa þeir ekki fyrirgefið honum.
Nýjustu ummæli Cole hjálpa honum ekki en hann segir að leikmenn vilji ekki spila fyrir Arsenal ef áætlunin sé að vinna titla.
,,Það er búist við þessu hjá Chelsea, þeir verða alltaf að vera þarna. Þeir hafa verið þarna í 20 ár og ef þeir eru það ekki þá er það krísa á mun styttri tíma en hjá Arsenal,“ sagði Cole.
,,Hjá Arsenal, þá vinna þeir örugglega ekki neitt, þeir hafa ekki gert það í tíu ár. Chelsea heimtar að vinna hluti.“
,,Ef þú ert leikmaður þá viltu mun frekar spila fyrir Chelsea en Arsenal. Það eru betri leikmenn þar og þú átt mun meiri séns á að vinna.“
