Jurgen Klopp, stjóri Liverpool, íhugar að leggja fram tilboð í leikmann Celtic í Skotlandi.

Þetta segja ensk götublöð í dag en Klopp hefur ekki mikið á milli handanna til að eyða þessa stundina.

Hann er þó reiðubúinn að borga átta milljónir punda fyrir James Forrest sem leikur með Celtic.

Forrest er 27 ára gamall vængmaður og gæti hjálpað Liverpool á erfiðum lokakafla á Englandi.

Liðið situr í efsta sæti deildarinnar eftir 22 umferðir og er komið í 16-liða úrslit Meistaradeildarinnar.

Forrest hefur verið flottur á tímabilinu og hefur gert 17 mörk í 38 leikjum fyrir félagslið og landslið.

Stjóri Celtic er auðvitað Brendan Rodgers, fyrrum stjóri Liverpool og vinnur Forrest undir hans stjórn.