Jamie Carragher, fyrrum leikmaður Liverpool, var alls ekki hrifinn af markverðinum Alisson í 2-1 sigri á Leicester í dag.

Alisson gerði mistök í marki Leicester í leiknum er hann missti boltann klaufalega í eigin vítateig.

Brassinn komst upp með svipað atvik í síðasta leik gegn Brighton en Carragher vonar nú innilega að hann sé hættur þessu rugli.

,,Það eina sem hann þurfti að gera var að sparka boltanum burt,” sagði Carragher um markmanninn.

,,Það var aðeins fagnað í síðustu viku þegar hann vippaði boltanum yfir sóknarmann Brighton.”

,,Það var ekki í lagi og þetta var ennþá verra í dag. Það hefði einhver átt að segja honum það eftir síðasta leik.”

,,Hann komst upp með það en þú vilt ekki sjá markvörðinn þinn gera þetta.”