Framherjinn Jamie Vardy verður líklega leikmaður Leicester City þar til hann leggur skóna á hilluna.
Vardy skrifaði í dag undir nýjan fjögurra ára samning við Leicester og er samningsbundinn til árins 2022.
Vardy er 31 árs gamall sóknarmaður en hann hefur skorað 82 deildarmörk í 205 deildarleikjum fyrir Leicester á sex árum.
Vardy kom til Leicester frá Fleetwood Town árið 2012 og er nú orðinn enskur landsliðsmaður.
Vardy skoraði 20 deildarmörk fyrir Leicester á síðustu leiktíð en hann er einn allra mikilvægasti leikmaður liðsins.
