Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn á Englandi er nú opinn á ný en er þó enn lokaður í öðrum stærstu deildum Evrópu.
Hér má sjá pakka dagsins.
Cristiano Ronaldo, nýr leikmaður Juventus, mun þéna 73 þúsund pund á dag hjá félaginu eftir að hafa skrifað undir í gær. (Mirror)
Eden Hazard er talinn líklegastur til að taka við af Ronaldo hjá Real Madrid en hann er á mála hjá Chelsea. (Football London)
Liverpool er tilbúið að borga 80 milljónir punda fyrir Paulo Dybala, leikmann Juventus. (Metro)
Liverpool hefur einnig hafið viðræður við vængmanninn Xherdan Shaqiri sem spilar með Stoke. (Telegraph)
Bæði Roma og Tottenham vilja fá Malcom, 21 árs gamlan leikmann Bordeaux í Frakklandi. (France Football)
Everton mun bjóða 21 milljón punda í Yerry Mina, varnarmann Barcelona, sem átti frábært HM með Kólumbíu. (Goal)
Liverpool íhugar að bjóða í Grzegorz Krychowiak, leikmann PSG, en hann var í láni hjá West Brom á síðustu leiktíð. (Sun)
Carlo Ancelotti, nýr stjóri Napoli, vill fá varnarmanninn David Luiz frá Chelsea. (Mirror)
