Huddersfield í ensku úrvalsdeildinni hefur tryggt sér miðjumanninn Ramadan Sobhi frá Stoke City.
Þetta staðfesti félagið í dag en Sobhi skrifar undir þriggja ára samning við Huddersfield.
Sobhi er 21 árs gamall leikmaður en hann spilaði alls 41 leik fyrir Stoke sem féll úr efstu deild á síðustu leiktíð.
Sobhi yfirgaf æfingabúðir Egyptalands til að fljúga til Englands og krota undir samning við Huddersfield í dag.
Sobhi mun spila á heimsmeistaramótinu í sumar með Egyptalandi og gengur endanlega í raðir Huddersfield eftir það mót.
