Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
——–
Mauricio Pochettino vill að Manchester United reyni að ráða sig til starfa næsta sumar en það myndi kosta 34 milljónir punda. (Times)
Mauricio Pochettino er ekki með klásúlu um að fara frá Tottenham. (Mail)
United vill fá Paul Mitchell sem starfaði með Mauricio Pochettino hjá Southampton sem yfirmaður knattspyrnumála, hann er í dag hjá RB Leipzig. (Star)
Ef United fær ekki Mauricio Pochettino, mun félagið reyna að fá Diego Simeone frá Atletico Madrid. (Times)
Santiago Solari þjálfari Real Madrid hefur ekki áhyggjur af framtíð sinni, Jose Mourinho er orðaður við starfið. (Sky)
Mike Phelan verður aðstoðarmaður Ole Gunnar Solskjær hjá Manchester United. (Telegraph)
Eddie Howe er líklegastur til að taka við Tottenham ef Mauricio Pochettino fer til Manchester United. (Mail)
Chelsea mun reyna að hafa betur gegn Arsenal og Manchester City í baráttu um Isco frá Real Madrid. (Sun)
Chelsea vill einnig fá Callum WIlson frá Bournemouth en það gæti kostað um 35 milljónir punda. (Mirror)
PSG mun ekki leyfa Adrien Rabiot að fara frítt næsta sumar, hann verður seldur í janúar. (Mail)
Crystal Palace vill fá Dominic Solanke framherja Liverpool á láni í janúar. (Standard)
Rafinha gæti farið til Kína eftir að samningur hans við Barcelona rennur út næsta sumar. (Kicker)
Everton vill selja Oumar Niasse í janúar en Cardiff hefur áhuga. (Echo)
