Konstantinos Mavropanos, varnarmaður PAS Giannina er á leiðinni til Arsenal en það er Gazzetta.gr sem greinir frá þessu í dag.
Kaupverðið er talið vera í kringum 2,2 milljónir punda en hann er tvítugur miðvörður sem hefur vakið mikla athygli.
Arsenal ætlar að lána hann til Werder Bremen í Þýskalandi en Arsene Wenger, stjóri liðsins sér hann sem framtíðarleikmann hjá félaginu.
Hann hefur komið við sögu í 15 leikjum með PAS á þessari leiktíð þar sem hann hefur skorað 3 mörk.
