Rúnar Páll Sigmundsson, þjálfari Stjörnunnar, viðurkennir það að það verði erfitt fyrir liðið að vinna titilinn eftir 1-1 jafntefli við KA í kvöld.

Stjarnan er nú þremur stigum á eftir Val er tvær umferðir eru eftir en Valur á eftir að spila við Keflavík sem er á botninum án sigurs.

,,Við fengum góð færi til að skora fleiri mörk og ég tala nú ekki um í blálokin þegar við fáum tvö mjög góð færi til að klára leikinn,“ sagði Rúnar.

,,Ef við hefðum skorað þessum mörk værum við í góðum málum en við vorum að mæta hörkuliði og áttum í basli með þá. Þeir voru aggressívir á móti okkur og við náðum ekki að spila okkar besta leik.“

,,Tölfræðilega getum við unnið titilinn en það er mjög erfitt. Valur þarf að misstíga sig svakalega svo það gerist.“

,,Við þurfum að klára okkar leiki til að eiga séns á þessu og megum ekki misstíga okkur meira.“

Pepsi Max deildin á 433 er í boði