Alexis Sanchez, leikmaður Manchester United, var ekki með liðinu í gær sem mætti Brighton í ensku úrvalsdeildinni.
Brighton gerði sér lítið fyrir og vann United 3-2 á heimavelli en Anthony Martial fékk tækifæri í byrjunarliðinu.
Mourinho sagði fyrir leikinn í gær að Sanchez væri að ‘glíma við smá vandamál’ og gæti ekki spilað.
,,Alexis átti að spila en hann er að glíma við smá vandamál svo við þurftum að gefa öðrum tækifæri,“ sagði Mourinho.
Ekki er talið að Sanchez sé alvarlega meiddur en hann ætti að snúa aftur til æfinga í vikunni.
