Jurgen Klopp, stjóri Liverpool á Englandi, segir að enginn leikmaður yfirgefi félagið án þess að fá ‘já’ frá sér.

Klopp var spurður út í brottför Ragnar Klavan í dag en hann er sagður vera á förum frá félaginu.

Klopp veit ekki hvenær Klavan fer annað en segir þó að einhverjir leikmenn gætu verið á förum.

,,Ég hef ekki heyrt að neitt sé klárt ennþá svo þið fáið ekkert frá mér um það,“ sagði Klopp um hvenær Klavan yrði seldur.

,,Það er þó möguleiki að fólk yfirgefi félagið, það verður þó að vera gott fyrir alla þrjá aðila.“

,,Enginn leikmaður yfirgefur félagið ef ég leyfi það ekki. Ef einhver fer þá hef ég sagt já, þannig er það.“