Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.
Hér má sjá pakka dagsins.
Manchester United hefur sent lokatilboð í varnarmanninn Toby Alderweireld sem spilar með Tottenham. (Mirror)
Chelsea mun borga 89 milljónir punda fyrir Jan Oblak, markvörð Atletico Madrid en hann er með kaupákvæði í samningi sínum. (Mundo Deportivo)
WesT Ham hefur áhuga á Carlos Sanchez, 32 ára gömlum miðjumanni Fiorentina sem var áður hjá Aston Villa. (Mirror)
Arsenal er tilbúið að hlusta á tilboð í framherjann Danny Welbeck í sumar. (Standard)
Luka Modric íhugar það sterklega að yfirgefa Real Madrid og freistar þess að fara til Inter Milan. (La Sexta)
Everton er að fá til sín vængmanninn Bernard sem spilaði síðast með Shakhtar Donetsk í Úkraínu. (Mail)
Manchester United undirbýr nú risatilboð í miðjumanninn Sergej Milinkovic-Savic há Lazio. (Calciomercato)
Mateo Kovacic, leikmaður Real Madrid, neitar þessa stundina að mæta á æfingar en hann vill komast burt. (Marca)
