Breiðablik hefur tryggt sér sæti í undanúrslitum Mjólkurbikars karla eftir sigur á Íslandsmeisturum Vals í kvöld.
Það var boðið upp á fjörugan leik á Origo-vellinum í kvöld en Blikar höfðu betur með tveimur mörkum gegn einu.
Það var varamaðurinn Arnór Gauti Ragnarsson sem tryggði Blikum sigur í uppbótartíma og kom liðinu áfram í næstu umferð.
FH er einnig komið áfram í undanúrslitin en liðið vann ÍA 1-0 á Akranesi. Brandur Olsen gerði eina mark FH snemma í fyrri hálfleik.
Þór og Stjarnan eigast við nú rétt í þessu en sá leikur er á leið í framlengingu eftir markalausar 90 mínútur.
Valur 1-2 Breiðablik
0-1 Sveinn Aron Guðjohnsen(20′)
1-1 Sigurður Egill Lárusson(51′)
1-2 Arnór Gauti Ragnarsson(93′)
ÍA 0-1 FH
0-1 Brandur Olsen(3′)
Þór 0-0 Stjarnan (á leið í framlengingu)
