Borussia Monchengladbach hefur tryggt sér vængmanninn Keanan Bennetts en hann kemur frá Tottenham.
Þessi 19 ára gamli strákur skrifaði undir samning við Gladbach sem er til ársins 2022.
Um er að ræða efnilegan leikmann en margir enskir leikmenn hafa gert sér leið til Þýskalands undanfarið ár.
Leikmenn á borð við Jadon Sancho og Ademola Lookman ákváðu að skipta yfir í Bundesliguna á síðasta ári.
Bennetts fær fáar mínútur hjá Tottenham og tók skrefið til að eiga meiri möguleika á að fá spilatíma.
Bennetts er aðeins með taugar til Þýskalands en móðir hans ólst upp í Hamburg.
