Íslenska landsliðið er komið til Bandaríkjanna en liðið er í Santa Clara í Kaliforníu.
Þeir sem voru mættir á svæðið í gær skelltu sér í golf og þar á meðal var Jóhann Berg Guðmundsson.
Hann segir frá því á Instagram að hann og Magnús Gylfason hafi verið í sigurliðinu í golfmótinu.
Ekki kemur fram hverjir tóku þátt en besta kylfing landsliðsins vantaði, Gylfa Þór Sigurðsson. Hann er meiddur og er í endurhæfingu hjá Everton.
Liðið mætir Mexíkó í æfingaleik á föstudag í Santa Clara og leikur svo við Perú í næstu viku.
