Jamie Carragher sérfræðingur Sky Sports segir að Arsenal verði að skipta um stjóra.
Arsene Wenger hefur verið í starfinu í meira en 20 ár en virðist á endastöð.
,,Stuðningsmenn Arsenal hafa ekki áhuga lengur,“ sagði Carragher eftir 0-3 tap gegn Manchester City í gær.
,,Það var baulað eftir leik en það var lítið, á síðasta tímabili var reiði en núna vill fólk að hann segi upp starfinu.“
,,Fáir stuðningsmenn Arsenal vilja hann sem stjóra, hann er goðsögn en Arsenal verður að breyta um. Það verður að gerast.“
,,Það á að taka ákvörðun um það núna og gefa honum góða kveðjuleiki, þetta er ekki nógu gott og þeir þurfa breytingar.“
