Sitt sýnist hverjum um myndband sem deilt var á Youtube fyrir ríflega viku en í lýsingu er fullyrt að þar sjáist tvö geimskip svífandi yfir Reynisdranga. Flestir telja eðlilega að brögð séu í tafli þó margir, einkum þeir sem aðhyllast samsæriskenningar, séu sannfærðir.
Myndbandinu er deilt á Facebook af áhugamönnum um fljúgandi furðuhluti á Íslandi, eða FFH á Íslandi. Eitt er þó ljóst við þetta myndband og það er að áhorfið er talsvert miðað við að myndbandið fór á Youtube fyrir um viku síðan. Á þeim tíma hefur verið horft á það ríflega 150 þúsund sinnum.