Jón Ásgeir Jóhannesson brosir væntanlega út að eyrum þessa dagana enda úrskurðaði Mannréttindadómstóll Evrópu á fimmtudag að íslenska ríkið hefði brotið gegn honum þegar hann var dæmdur til skilorðsbundinnar fangelsisvistar vegna skattalagabrota í rekstri Baugs. Áður hafði Jón Ásgeir verið dæmdur til greiðslu sektar fyrir sömu brot. Með niðurstöðu Mannréttindadómstólsins kemst Jón Ásgeir í, ekki svo fjölmennan, hóp Íslendinga sem unnið hafa mál fyrir dómstólnum. Meðal þeirra eru Erla Hlynsdóttir blaðamaður, sem í þrígang hefur unnið mál á hendur íslenska ríkinu fyrir Mannréttindadómstólnum. Erla hefur því skilning á líðan Jóns Ásgeirs. Á Facebook-síðu sinni sendir hún honum enda eftirfarandi kveðju: „Velkominn í hópinn, Jón Ásgeir“.