Kate Middleton, hertogynjan af Cambridge, heimsótti unga krakka í gær og hjálpaði þeim að baka pítsu.
Kate talaði einnig mikið við krakkana um þeirra eftirlætis pítsuálegg, en á meðan á pítsugerðinni stóð fékk hún spurningu sem hún átti erfitt með að svara.
„Borðar drottningin einhvern tímann pítsu?“ spurði lítil stúlka.
„Veistu hvað, þetta er mjög góð spurning. Ég veit það ekki. Ég veit það ekki. Ætti ég að spyrja hana næst þegar ég sé hana?“ svaraði Kate.
“Does the Queen like Pizza?” “That’s a good question, I don’t know.. maybe next time I see her, shall I ask her?” ???? #DuchessOfCambridge pic.twitter.com/lrKxMAFtau
— Emily Nash (@emynash) January 15, 2019
Matarvenjur Elísabetar drottningar eru oft á milli tannanna á fólki, en leiða má að því líkur að hún borði ekki pítsu þar sem hún forðast sterkju og borðar aldrei hvítlauk. Kate sagði hins vegar á viðburðinum að þessi hefð hefði ekki snert sig og börnin sín þrjú, Georg, Charlotte og Louis.
„Þau myndu elska að gera þetta með ykkur,“ sagði hún um pítsubaksturinn. „Þau verða leið að ég er búin að vera að baka pítsu með ykkur,“ bætti hún við.
