Maður stökk í sjóinn af höfninni við Miðbakka klukkan tvö í nótt. En þegar lögregla og slökkvilið kom á staðinn hafði maðurinn synt í land. Ekki er vitað af hverju maðurinn gerði þetta.

Þetta var ekki eina útkall slökkviliðsins því eins og áður var greint frá kom upp eldur í íbúð á sjöttu hæð í Gullsmára 7 í Kópavogi á tíunda tímanum í gærkvöldi. Þrír bílar mættu á svæðið og var eldurinn slökktur um klukkan 21:20. Einn var fluttur af vettvangi í sjúkrabíl.

Um klukkan tvö kom upp eldur í fjölbýlishúsi við Eyjabakka. Nágranni náði að slökkva eldinn áður en slökkvilið kom á staðinn.