Vigdís spilaði mikinn sóknarleik í umræðuþætti Ríkisútvarpsins í gær þegar hún gagnrýndi Dag B. Eggertsson og núverandi meirihlutaflokka fyrir hægagang í húsnæðismálunum. „Á síðustu átta árum hafa ekki verið byggðar jafn fáar íbúðir í Reykjavík síðan 1929“ sagði Vigdís og lét oft að sér kveða þegar rætt var um húsnæðismálin. Hún lenti hins vegar í vörn þegar spyrlarnir þjörmuðu að henni varðandi samgöngumálin.
Miðflokkurinn hefur verið að mælast með einn eða tvo fulltrúa í skoðanakönnunum undanfarnar vikur. Í báðum könnunum gærdagsins var flokkurinn með á milli fimm og sex prósent og einn fulltrúa kjörinn.
