Á öðrum tímanum í nótt var tilkynnt um hávaða frá íbúð við Hringbraut. Þegar lögreglumenn komu á vettvang var íbúðareigandinn ekki í íbúðinni en hann fannst í kjallaranum. Maðurinn var í mjög annarlegu ástandi og fundust fíkniefni á honum. Hann var vistaður í fangageymslu.

Skömmu fyrir miðnætti var tilkynnt um innbrot í bifreið við Sóleyjargötu. Úr henni var stolið ferðatöskum og farangri erlendra ferðamanna.

Síðdegis í gær var maður handtekinn grunaður um þjófnað á fartölvu. Hann var vistaður í fangageymslu.

Einn ökumaður var handtekinn í nótt grunaður um ölvun við akstur og annar var handtekinn grunaður um akstur undir áhrifum fíkniefna og vörslu fíkniefna.